المقادير :
1 جلاش + كوب جبنه رومى مبشور + جبنه نستو ( جبنه مثلثات ) + بصله متوسطه مقطعه جوانح + 2فلفل الوان او رومى مقطع شرائح رفيعه + زيتون مقطع حلقات + 1 طماطم مقطعه شرائح + زعتر جاف + ملح + سمن او زبده سيحه دون قدح
الطريقه :
فى طاسه على النار بها قليل من الزيت نشوح البصل مع الفلفل الرومى مع الملح حتى يدبلو ثم نضيف الطماطم و الزعتر و نقلب ثم نرفعهم من على النار و نضيف الزيتون و بعد ان يهدى الخليط نضيف الجبن الرومى و النستو و نخلطهم جيدا و كده الحشو يكون جاهز
هنجيب ورقه جلاش و نحط فيها معلقه من الحشوه و نقفلها من الجناب و ندهنها سمن او زبده و نلفها رول و نحطها فى صنيه مدهونه زيت و نكرر نفس الخطوات فى باقي كميه الجلاش و بعد ما نملى الصنيه ندهن الوجه ب الزبده او السمن و يدخل الفرن على 175 او 180 لو فرن هادى حتى يحمر الجلاش