أحمد مالك يعتذر عن فيديو "الواقي الذكري" إستهزائه للشرطة

إعتذر الفنان الشاب أحمد مالك، عن تصويره لفيديو الواقى الذكرى مع المراسل شادى أبو زيد، مراسل برنامج "أبلة فاهيتا".

وكتب "مالك"، على صفحته الشخصية: بعتذر بشده لكل شخص اساءه له الفيديو وخاصة الشرطة.

أضاف: "الفيديو فعلاً فيه تجاوزات لم اتوقع أنها تخرج بره دائرة الأصدقاء وده مش مبرر علي الخطأ، أنا عمري عشرين سنه وساعات في السن ده الأفكار المتهورة بتسبق التفكير العقلاني وللأسف الغلطات دلوقتي بقت مسجله ومصوره وده بيديها عمر وحجم أكبر من حجمها الحقيقي.

أوضح "مالك"، "دي لحظه تهور ولحظه مش محسوبه وفعلاً ندمان عليها وحاولت مسحها ولكن كنت فوجأت إنها انتشرت قبل ما اقدر انقذ الموقف".

وقال:  "يمكن الموقف ده كله نابع من إحباط عدم القدره علي التعبير عن الرأي اللي جيلي حاسه الأيام دي بس برضه ده ميدينيش الحق أني اتجاوز أو أعبر عن رأيي بطريقه متجاوزه في حق الآخرين، واكتر حاجه مضايقاني أنه هيتم استخدام اللحظه دي لتشويه الثوار والثورة ومقدرش الوم حد في النقطه دي إلا نفسي اللي الاحباط عماها".

واختتم: "اتمني من الجميع أنهم ميتعاملوش مع اللحظه دي علي أنها بتلخصني ويتعاملوا معاها أنها لحظه عابرة لن تتكرر، مرة آخري بعتذر".