سيدة تطلب "الخلع" بعد مُشاهدة زوجها يُعاشر "صاحبه"

أقامت "ناهد.ع" صاحبة الـ26 عامًا دعوى خلع ضد زوجها "أ.س" 32 عامًا صاحب شركة مجوهرات ، حملت رقم 7481/2018، لاستحالة العشرة بينهما، بعدما اتهمته بالشذوذ الجنسي، وذلك بعد زواج استمر نحو 4 أعوام وإنجاب طفلة.

مشهد غريب و"مقزز" شاهدته الزوجة المكلومة دفعها لإنهاء حياتها الزوجية على الفور، قالت الزوجه " بأشتغل مديرة تسويق في شركة إعلانات في يوم عادي صحيت وصلت البنت الحضانة وروحت شغلي.. لكني حسيت بحالة إعياء شوية فبعد حوالي ساعتين قررت أرجع البيت علشان أرتاح.. ودخلت البيت سمعت صوت غريب في أوضة النوم في الأول توقعت إنه يكون بيخوني مع مرات البواب.. لكن كانت المصيبة شوفته يعاشر صاحبه على سريري".

صدمة لم تتوقعها "ناهد"، تضيف "محستش بنفسي غير وأنا عمالة أصرخ زي المجنونة لكن صاحبه هرب وهو ضربني على راسي واتفتحت 7 غرز كان هيموتني والجيران أنقذوني منه بالعافية.. نزلت عملت محضر في القسم لكن مقدرتش أثبت حاجة عليه غير الضرب وبعدها سيبت البيت فترة ورجعت طلبت أتمكن من الشقة عشان أنا حاضنة لبنتي والحمدلله أخدتها وأقامت دعوى خلع ضده لأنه رفض الطلاق وأنا مش عايزة حاجة منه".

محاولات للصلح لم تجدِ نفعًا "بعد فترة حاول يبعت لي ناس ويصالحني أرجع لكن مستحيل أبص في وشه بعد اللي حصل.. أنا كنت أتخيل أي حاجة منه إلّا إنَّه يكون بيخوني مع راجل.. من يوم ما عرفته وهو متعدد العلاقات وكنت بشوف وألاقي بلاوي عنده على الموبايل لكن لدرجة الشذوذ والقرف ده.. أعوذ بالله مستحيل أستحمل أكتر من كدا.. ده مبقاش بني آدم ستات ورجالة وأي حاجة مش فارقة معاه عيشته تقرف.. بيقول عايز يصالحني عشان البنت لكن هو خايف أفضحه".

"ناهد" اسم مستعار لشابة عشرينية مقيمة في أحد الأحياء الراقية في القاهرة الكبرى، رفضت ذكر اسمها حرصًا على سلامتها.

قد يهمك أيضــــــــــــــــًا

- شابة مصرية تطلب الخلع بعد عامين بسبب العجز الجنسي التام لزوجها

- "علاقة شرعية" تتسبب في طلب سيدة سودانية الطلاق من زوجها