أحمد زاهر يكّشف عن كواليس جلوسه في المنزل لمدة عامين ومرضه

كشف النجم أحمد زاهر،  كواليس جلوسه في المنزل لمدة سنتين ومرضه الذي عاني منه، حيث قال، "قعدت سنتين مش بتشغل، وطلعت ضيف شرف مع ياسر جلال في مسلسل رحيم، ومع أحمد السقا في مسلسل ولد الغلابة، وكانت فترة صعبة بس مريت بيها قبل كده كتير، كان مفيش شغل ومفيش فلوس وعندك زوجة وأمك وحماتك وبناتك محتاجين مسئولين منك، ومفيش مبرر أني أبقي عاطل، وكنت لسه مقدم مسلسل الطوفان وكان مكسر الدنيا، وكمان كان في منتج بحضر معه بطولة مطلقة، وبعد ما حضّرنا قال مش قادر أكمل بعد ما كنت اعتذرت عن أعمال كتير جدا".
وأضاف أحمد زاهر: "قعدت فترة المرض في البيت حوالي 3 سنين مفيش شغل ومفيش فلوس معنديش تلاجة وكنت بتمنى اموت وأنا تعبان، و طلقت مراتي علشان تسيبني وأموت وحدي في سلام، كنت أوفر قوي، بس هو ده اللي حصل، وهي رفضت تسيبني، وفضلت معايا وبعد فترة المرض لما رجعت للتمثيل ومكنش عندي مشكلة أبدأ من الصفر وأعلي تاني وربنا موجود".
وأكمل زاهر: "المحن وتجربة المرض دي كلها خلت في مشاعر كتير جوايا لما بتعديها تفيدني في التمثيل واتعلمت حاجات كتير من محنة المرض والحمد لله والشكر لله على كل الابتلاءات لأن ده اللي بيكون شخصية البني آدم".
وأشار زاهر، "في فترة المرض كان جنبي ناس كتير منهم عادل إمام وسميرة أحمد وناس كتير وقفت جنبي وتامر حسني من أكتر الناس اللي وقفت جنبي وهو كمان كان في محنة أزمة الجيش وروحت زورته في الجيش ومعرفنيش بسبب وزني، وطبعا زي ما ناس كتير سألوا عليا ناس اكتر مسألوش بس انا عاذرهم مش زعلان من حد رغم انهم كانوا قريبين قوي وصحابي قوي وبياكلوا في بيتي كل يوم وفي بينا عيش وملح ورغم كده مسألوش".
وفي سياق متصل يعرض حاليًا للفنان أحمد زاهر مسلسل "لؤلؤ" والذي تدور أحداثه في 40 حلقة، ويشارك في بطولته بجانب مي عمر كل من، نجلاء بدر، نرمين الفقي، محمد الشرنوبي، إدوارد، هيدي كرم، سلوي عثمان، عماد زيادة، حمدي هيكل، هدير عبد الناصر، محمد مهران أحلام الجريتلي، وقصة مي عمر وسيناريو وحوار محمد مهران وإخراج محمد عبد السلام، وإشراف على التأليف والإخراج محمد سامي.

قد يهمك ايضا 

ملك زاهر توجه رسالة لوالدها بعد تكريمه في dearguestmagazin

أحمد زاهر سعيد بجوائز "البرنس" ويعتبر شخصية "فتحي" نقلة في حياته