هنادي مهنا تكشف عن كواليس زواجها من أحمد خالد صالح

روت الفنانة المصرية هنادي مهنا، كواليس زواجها من مواطنها الفنان أحمد خالد صالح، ابن الفنان الراحل خالد صالح، والمكالمة الهاتفية التي استمرت لـ 4 ساعات، وكانت سببًا في ارتباطهما.وقالت مهنا، خلال لقاء تلفزيوني مع إسعاد يونس، برفقة زوجها أحمد خالد صالح: "كنت بصور مسلسل وأحمد بيصور فيلم، ووقتها اتكلمنا في التليفون مع بعض 4 ساعات"، وأضافت: "حسينا في الوقت دا بحاجة مميزة ومختلفة، والمكالمة قربتنا عاطفيا من بعض، وبقى عندي رغبة في التواصل معاه، وعايزه أكلمه كل يوم".

وتابعت: "في يوم كان عندي مشكلة في عيني وتعباني، وكلمت أحمد وقلت له عيني بتوجعني أعمل إيه، قالي أضع فيها عسل وامسح عليها بمياه دافئة"، موضحة: "لما حطيت العسل في عيني حسيت بوجع صعب جدًا، وفي اللحظة دي كرهت أسمع اسمه وقلت أنا إزاي عرفت بني آدم زي ده، لأن حصل إحمرار ووجع، وقلتله منك لله، عيني وجعتني أكتر من الأول".وعن اعتراف أحمد خالد صالح لها بحبه، قالت هنادي منها: "فاكرة اللحظة والتاريخ، وكان على واتساب، وبعد مش وقفنا وكملنا حاجات تانية"، محاولة تذكير زوجها باليوم: "والله العظيم إنت حر" ليرد هو عليها: "أنا فاكر كنت فين، بس مش فاكر يوم إيه، دي المشكلة"، لتحاول هى تذكيره، بأنها كانت موجودة تصوير في وأنه كان يعلم بذلك، وكان من المفترض أن تنضم له في عيد ميلاد صديقة لهما، لكنها لم تحضر بسبب التأخر في التصوير، لتذكر الموعد بالتحديد "الساعة 4:35 الفجر".

ورد أحمد خالد صالح: "المشكلة إن هي ما شاء الله عليها ذاكرتها الله أكبر كمبيوتر، وأنا ذاكرة سمك"، مضيفًا: "أول ما حسيتها قولتها على طول بحبك على واتساب"، لتعاود هنادي الحديث: "كنت قررت أني هركز في شغلى بس، لأني كنت بعمل 3 مسلسلات في وقت واحد، وكان فيه ضغط جامد، بس وقعت في حبه وكنت بلاقي وقت إنى أشوفه، وكان بيوصلني من لوكيشن للوكيشن، وأنا دايمًا فاكرة كل المواعيد والأحداث، لكن أحمد عنده ذاكرة السمك، وعلى طول بيتأخر، واستنيته في الخطوبة والجواز".

وعن رأيها في زوجها كممثل، أشادت هنادي بقدراته، وأنها تخشى التمثيل أمامه، مضيفة: "أول مشهد أصوره مع أحمد، كنت لا أعرف أحد من الموجودين، إلا البعض من أعمال قديمة، وهو ممثل مرعب، وكنت حاسة رايحة أمثل قدام واحد بيمثل حلو قوي، وحيبقى شكلي وحش قوي، وكنت مذاكرة عشان متفضحش، وهو شاطر في التمثيل وأخاف أقف قدامه".وتحدثت هنادي مهنا عن منزلها وما تفعله أثناء إعداد الطعام في المطبخ، متابعة: "لا أسمح أبدًا أن تبات الأطباق متسخة، وأحرص على تنظيفها أول بأول ولا تستطيع النوم والمطبخ متسخ، وحاطة كريم وبيرفيوم في المطبخ ومعاهم معطر جو".

قد يهمك ايضا :

هنادي مهنى تخوض ثاني تجاربها السينمائية في "تماسيح النيل"

هنادي مهنا تؤدي دور مطربة من حارة شعبية في فيلم "ليلة العيد"